Хибридниот BJ30e изненадува со привлечниот дизајн и долгата листа на опрема, но и хибридниот погон кој комбинира турбо-бензинец со два електромотори за вкупно 404 коњски сили!
Не, не прочитавте погрешено и не, не сме направиле грешка. Благодарение на 1.5-литарскиот турбо-бензинец и двата електромотори, BAIC BJ30e располага со вкупно 404 коњски сили и 685 Nm вртежен момент.
Турбо-бензинецот испорачува 116 коњски сили и 235 Nm вртежен момент а електромоторите ја надополнуваат разликата. Предниот електромотор испорачува 174 коњски сили и 315 Nm вртежен момент, додека задниот испорачува 74 коњски сили и 135 Nm вртежен момент.
Сето тоа значи 404 коњски сили и 685 Nm вртежен момент, но и официјална потрошувачка од 6.4 литри на 100 изминати километри. Секако, целиот систем значи дека BJ30e има погон на сите четири тркала, а ветува и интересни теренски перформанси. Веќе ни е најавено дека BJ30e наскоро ќе пристигне на тест, па и самите ќе можеме да ги провериме овие ветувања.
Инаку, BJ3oе е најверојатно најинтересно-дизајнираниот модел во тековната понуда на BAIC на нашиот пазар. Можеби ќе препознаете детали кои се *кхм* инспирирани од некои други модели, но сè на сè – BJ30 изгледа привлечно и современо. Листата на опрема е навистина долга, а не е штедено ниту на технологиите кои се дел од севкупниот пакет.
BJ30e е веќе изложен во салонот на BAIC во рамките на Цилаз и можете и самите да го погледнете, а повеќе информации: ПОГЛЕДНЕТЕ ТУКА
Преземено од: https://www.carclub.mk
Оргиналната објава: https://www.carclub.mk/2026/02/12/hibridniot-baic-bj30e-pristigna-vo-salonot-na-cilaz-vo-skopje/
